زندگی ہک بوجھ ہے

زندگی ھک بوجھ ھے بس چئی وداں

چودی نی پر کنڈھ پچھوں لڑکئی وداں

.

اجھو مکدے پندھ گھر نزدیک ھے

تھکے بت کوں ایہو لارا لئی وداں

.

تھک پیا ھوسیں میاں آرام کر

ھیں صدا کہیں دی تے کن کڑکئی وداں

.

کون لیندے گل غریباں کوں بھلا

آپ شاکر آپ کوں گل لئی وداں

.

شاکر شجاع آبادی

ڈوہڑہ

شاکر شجاع آبادی

بے وزنے ہیں تیڈی مرضی اے، بھانویں پا وچ پا، بھانویں سیر وچ پا

پا کہیں دشمن دی فوتگی تے، یا جھمر دے کہیں پھیر وچ پا

پا چن دی چٹی چاندنی وچ، یا رات دے سخت ہنیر وچ پا

 راہ رلدے شاکر کنگن ہیں ، بھانویں ہتھ وچ پا، بھانویں پیر وچ پا